Boðunar- & Hjálparstarf

Við sem fylgjum Jesú trúum því að okkur sé ætlað að feta í fótspor hans og gera eins og hann kenndi. Í Matteusarguðspjalli 28:18-19 má lesa það sem oft er kallað kristniboðsskipunin, það eru orð Jesú þar sem hann segir lærisveinum sínum að fara um allan heim og kenna veg trúarinnar og að hann muni vera með okkur alla daga.

Kirkjan boðar þann boðskap sem Jesús kenndi og snýr að andlegri þörf hvers manns. Jesús leysir fjötra, læknar andleg mein og gefur frið í huga og hjarta, sem er sá friður sem allir þrá og leita eftir. Einnig hvetur kirkjan okkur til að mæta líkamlegum og félagslegum þörfum þeirra sem á þurfa að halda. Kirkjan segir frá elsku Guðs til okkar mannanna og hvetur okkur til að sýna hvert öðru sama kærleika. Í Matteusarguðspjalli 25:34-40 má lesa um það hvernig Jesús mætti þörfum fólks, gaf því að borða, huggaði, læknaði, ráðlagði og hugaði að almennri velferð þess. Jesús fól þeim sem fylgja honum að vinna einnig sömu verk og hann.

Hvítasunnukirkjan á Akureyri hvetur sitt fólk til að taka þátt í boðunar- og hjálparstarfi. Sumir heimsækja dvalarheimilin fyrir aldraða, heimsækja söfnuði á landsbyggðinni eða heimsækja fangelsi og aðrir  fara í trúboðs- eða hjálparstarfsferðir til annara landa eða taka þátt í trúboði í sínum heimabæ svo eitthvað sé nefnt. Hvar sem samfélag fólks er, þar er þörf.

Kynning á hjálparstarfi ABC í Búrkína Fasó, 2020
Jóhannesarguðspjall 16:24

Hingað til hafið þér einskis beðið í mínu nafni. Biðjið og þér munuð öðlast svo að fögnuður yðar verði fullkominn.

1. Jóhannesarbréf 3:21-22

Þið elskuðu, ef hjartað dæmir okkur ekki, þá höfum við djörfung til Guðs. Og hvað sem við biðjum um fáum við hjá honum af því að við höldum boðorð hans og gerum það sem honum er þóknanlegt.

Matteusarguðspjall 21:22

,,Ef þið trúið munuð þið öðlast allt sem þið biðjið.“

Orðskviðirnir 16:3

Fel Drottni verk þín og þá bera áform þín árangur.

Jeremía 33:3

Hrópaðu til mín! Ég mun bænheyra þig og ég mun kunngjöra þér mikla hluti og leyndardómsfulla sem þú hefur ekki áður þekkt. 

Jóhannesarguðspjall 15:7

Ef þér eruð í mér og orð mín eru í yður, þá biðjið um hvað sem þér viljið og yður mun veitast það.

Kólusubréfið 1:9-12

Ég bið þess að Guð láti anda sinn auðga ykkur að þekkingu á vilja sínum með allri speki og skilningi svo að þið breytið eins og Guði líkar og þóknist honum á allan hátt, að þið berið ávöxt með hvers kyns góðum verkum og vaxið að þekkingu á Guði.

Hebreabréfið 10:22-23

Göngum því fram fyrir Guð með einlægum hjörtum, í öruggu trúartrausti, með hjörtum sem hreinsuð hafa verið og eru laus við meðvitund um synd, og með líkömum sem laugaðir hafa verið í hreinu vatni. Höldum fast við játningu vonar okkar án þess að hvika því að trúr er sá sem fyrirheitið hefur gefið.

Matteusarguðspjall1 8:19-20

Enn segi ég yður: Ef tveir yðar verða einhuga hér á jörð í bæn sinni mun faðir minn á himnum veita þeim allt sem þeir biðja um. Því að hvar semtveir eða þrír eru saman komnir í mínu nafni þar er ég mitt á meðal þeirra.“

Lúkasarguðspjall 1:37

,,......en Guði er enginn hlutur um megn.“

Jóhannesarguðspjall 14:13-14

Og hvers sem þér biðjið í mínu nafni það mun ég gera svo að faðirinn vegsamist í syninum. Ef þér biðjið mig einhvers í mínu nafni mun ég geraþað.

Jakobsbréfið 1:5-6

Ef einhvern mann í ykkar hópi brestur visku, þá biðji hann Guð sem gefur öllum örlátlega og átölulaust og honum mun gefast. En hann biðji í trú án þess að efast. Sá sem efast er líkur sjávaröldu er rís og hrekst fyrirvindi. 

Sálmur 84-12

Því að Drottinn Guð er sól og skjöldur, náð og vegsemd veitir Drottinn og synjar þeim engra gæða sem ganga í grandvarleik.

Matteus 25:40

Sannlega segi ég yður: Allt sem þér gerðuð einum minna minnstu bræðra, það hafið þér gert mér.

Matteus 19:14

En Jesús sagði: „Leyfið börnunum að koma til mín, varnið þeim eigi þvíað slíkra er himnaríki.“

Lúkas 11:9-10

Og ég segi yður: ,,Biðjið og yður mun gefast, leitið og þér munuð finna, knýið á og fyrir yður mun upp lokið verða. Því að hver sá öðlast sem biður, sá finnur sem leitar og fyrir þeim sem á knýr mun upp lokið verða.

Opnunartími Skrifstofu

Þriðjudaga til föstudaga
kl. 10:00-12:00

Viðtalstímar

Á opnunartíma skrifstofu og
utan opnunartíma eftir samkomulagi

Félagsmiðlar

Facebook
Instagram

Gjafir & tíund

Kt. 490780-0769
Gjafir: 0162-26-52081
Tíund: 0162-26-56052