Spennandi tækifæri framundan fyrir ungt fólk á aldrinum 13-25 ára!
Nú nálgast Kolamót 2025 með fjölbreyttri dagskrá og tvöfaldri stemmningu! Mótið fer fram í Hvítasunnukirkjunni á Akureyri dagana 28.-30. mars og í ár verður boðið upp á nýjung með tvískiptingu aldurshópa til að stuðla að því að hver og einn geti fengið sem mest út úr upplifuninni.
Yngri þátttakendur geta hlakkað til skemmtilegrar og uppbyggilegrar kennslu, á meðan eldri hópurinn kafar dýpra í áhugaverðar umræður í nærandi samfélagi. Allir sameinast svo í spennandi leikjum eins og Capture the Flag, fjörugum viðburðum og kraftmiklum samkomum sem skapa ógleymanlegar minningar.
Skráningargjaldið er einungis 6.000 krónur fram að 22. mars, en hækkar þá í 7.500 krónur. Því er um að gera að tryggja sér sæti sem fyrst! Skráning hér. Nákvæm dagskrá verður auglýst á Instagram-síðunni @hvako_plus, þar sem hægt er að fylgjast með öllum nýjustu upplýsingum.
Ekki missa af þessu einstaka tækifæri til að upplifa ógleymanlega helgi full af ævintýrum, vináttu og uppbyggilegum samverustundum. Skráning er þegar hafin og öll ungmenni eru hvött til að taka þátt í þessu spennandi móti!
Comments