Fjölskyldudagur og grill

Kirkjan stóð fyrir fjölskyldusamveru laugardaginn 10. september sl. þar sem við grilluðum og lékum okkur saman kynslóðirnar, fullorðnir og börn. Veðrið lék við okkur þennan dag og fórum við í alls konar leiki bæði úti og inni. Börnin nutu sín vel í hoppukastala, léku listir sínar með húllahringi og blésu sápukúlur. Við buðum upp á andlitsmálun, sem bæði börn og fullorðnir nýttu sér, spiluðum alls konar spil og fórum í leiki.

Við þökkum öllum þeim sem komu og tóku þátt með okkur kærlega fyrir komuna og skemmtunina, en hátt í hundrað manns tóku þátt í þessari samveru. Það eru allir hjartanlega velkomnir á allar okkar samkomur, samverustundir og skemmtanir og endilega takið með ykkur vini og vandamenn. Það er svo gott að koma saman í góðra vina hópi og gleðjast saman.