Alfa námskeið

Gaman er að segja frá því að nú hefur verið hægt að hefja að nýju Alfa námskeiðin sem við settum í gang sl. haust, en þurftum að stoppa vegna aðstæðna.

Um er að ræða bæði Alfa fyrir unglinga og einnig fyrir fullorðna. Hóparnir samanstanda af frábæru fólki á öllum aldri.

Við hefjum hverja stund á því að borða saman kvöldmat, horfum á kennslu

og síðan eru líflegar umræður. Kennslan er einstaklega góð og vekur upp alls konar spurningar um tilgang lífsins og tilveruna. Við fáum að heyra um Guð faðir, Son og Heilagan Anda.

Í hópunum gefst gott rými fyrir hvern og einn til að tjá skoðanir sínar og kalla eftir umræðu um það sem brennur á hverju hjarta.

Ef áhugi er fyrir þátttöku á Alfa námskeiði þá hvetjum við alla til að skrá sig á biðlista fyrir næsta námskeið, sem áætlað er að fari af stað næsta haust.