Tilkynning vegna COVID-19 - Breytingar á samkomuhaldi

3. október 2020

Nú þegar fregnir berast af sífellt fleiri COVID-19 smitum í þjóðfélaginu og ljóst er orðið að veiran er farin að smitast meira innanlands þurfum við öll að hjálpast að við að stöðva dreifingu hennar. Í Kirkjuna okkar safnast saman ólíkir þjóðfélagshópar, úr öllum áttum og á ólíku aldursskeiði, við viljum ekki að veiran dreifi sér við slíkar aðstæður.

Stjórn kirkjunnar hefur því ákveðið að fylgja samkomubanni stjórnvalda sem nú hefur verið fært niður í hámark 20 manns og færa sunnudagssamkomur á internetið.

Við hvetjum alla til að fylgjast með beinni útsendingu frá Fíladelfíu í Reykjavík á www.filadelfia.is, í gegnum facebook-síðu Fíladelfíu eða útsendingar á útvarpsstöðinni Lindinni sem munu halda áfram. Þetta breytta fyrirkomulag gildir fyrst og fremst um sunnudagsamkomur klukkan 11:00, frekari upplýsingar varðandi aðra dagskrá kirkjunnar verða kynntar tímanlega hverju sinni eftir því sem við á.  

Bænastund verður áfram á mánudögum kl. 17:00 og einnig þriðjudaga til föstudaga kl. 10:00-10:30, þar sem fjöldatakmörkunum verður þó fylgt eftir.

Við minnum á að kirkjan verður áfram opin þriðjudaga til föstudaga kl. 10:00 til 12:00. Á þeim tíma er öllum frjálst að koma og spjalla, fá viðtal, njóta bænastundar eða þiggja fyrirbæn.

Aðrir viðburðir og dagskrá kirkjunnar munu einnig taka mið af kringumstæðum og fylgjum við viðeigandi tilmælum stjórnvalda.

Það er munur á því að lifa í ótta eða taka skref af ábyrgð. Flest okkar höfum ekkert að óttast hvað varðar smit af völdum þessarar veiru en öll berum við ábyrgð á því að standa vörð um þá sem eru í hættu.

Við hvetjum kirkjugesti til þess að halda samkomusókn sem hluta af sinni venju, þeir sem eru á samfélagsmiðlum geta nýtt þá í ríkari mæli til þess að eiga samfélag. Einnig hvetjum við alla til þess að huga sérstaklega að fólki í nærumhverfinu sem er í áhættu, það getum við gert með því að hafa samband og  bjóðast til að aðstoða ef svo ber undir. Verum góð hvert við annað, hlúum hvert að öðru og sýnum nærgætni og kærleika.

Kirkjan okkar er ekki farin í frí, samkomur falla ekki niður, heldur færum við okkur á netið með sunnudagssamkomur með þeim í Fíladelfíu í Reykjavík. Eins og staðan er núna mun þetta gilda um óákveðinn tíma frá og með sunnudeginum 4. október 2020.

 Guð blessi ykkur elsku vinir.

Kær kveðja,

Stjórn Hvítasunnukirkjunnar á Akureyri

Því að þín vegna býður hann út englum sínum til þess að gæta þín á öllum vegum þínum. Sálmur 91:11
Jóhannesarguðspjall 16:24

Hingað til hafið þér einskis beðið í mínu nafni. Biðjið og þér munuð öðlast svo að fögnuður yðar verði fullkominn.

1. Jóhannesarbréf 3:21-22

Þið elskuðu, ef hjartað dæmir okkur ekki, þá höfum við djörfung til Guðs. Og hvað sem við biðjum um fáum við hjá honum af því að við höldum boðorð hans og gerum það sem honum er þóknanlegt.

Matteusarguðspjall 21:22

,,Ef þið trúið munuð þið öðlast allt sem þið biðjið.“

Orðskviðirnir 16:3

Fel Drottni verk þín og þá bera áform þín árangur.

Jeremía 33:3

Hrópaðu til mín! Ég mun bænheyra þig og ég mun kunngjöra þér mikla hluti og leyndardómsfulla sem þú hefur ekki áður þekkt. 

Jóhannesarguðspjall 15:7

Ef þér eruð í mér og orð mín eru í yður, þá biðjið um hvað sem þér viljið og yður mun veitast það.

Kólusubréfið 1:9-12

Ég bið þess að Guð láti anda sinn auðga ykkur að þekkingu á vilja sínum með allri speki og skilningi svo að þið breytið eins og Guði líkar og þóknist honum á allan hátt, að þið berið ávöxt með hvers kyns góðum verkum og vaxið að þekkingu á Guði.

Hebreabréfið 10:22-23

Göngum því fram fyrir Guð með einlægum hjörtum, í öruggu trúartrausti, með hjörtum sem hreinsuð hafa verið og eru laus við meðvitund um synd, og með líkömum sem laugaðir hafa verið í hreinu vatni. Höldum fast við játningu vonar okkar án þess að hvika því að trúr er sá sem fyrirheitið hefur gefið.

Matteusarguðspjall1 8:19-20

Enn segi ég yður: Ef tveir yðar verða einhuga hér á jörð í bæn sinni mun faðir minn á himnum veita þeim allt sem þeir biðja um. Því að hvar semtveir eða þrír eru saman komnir í mínu nafni þar er ég mitt á meðal þeirra.“

Lúkasarguðspjall 1:37

,,......en Guði er enginn hlutur um megn.“

Jóhannesarguðspjall 14:13-14

Og hvers sem þér biðjið í mínu nafni það mun ég gera svo að faðirinn vegsamist í syninum. Ef þér biðjið mig einhvers í mínu nafni mun ég geraþað.

Jakobsbréfið 1:5-6

Ef einhvern mann í ykkar hópi brestur visku, þá biðji hann Guð sem gefur öllum örlátlega og átölulaust og honum mun gefast. En hann biðji í trú án þess að efast. Sá sem efast er líkur sjávaröldu er rís og hrekst fyrirvindi. 

Sálmur 84-12

Því að Drottinn Guð er sól og skjöldur, náð og vegsemd veitir Drottinn og synjar þeim engra gæða sem ganga í grandvarleik.

Matteus 25:40

Sannlega segi ég yður: Allt sem þér gerðuð einum minna minnstu bræðra, það hafið þér gert mér.

Matteus 19:14

En Jesús sagði: „Leyfið börnunum að koma til mín, varnið þeim eigi þvíað slíkra er himnaríki.“

Lúkas 11:9-10

Og ég segi yður: ,,Biðjið og yður mun gefast, leitið og þér munuð finna, knýið á og fyrir yður mun upp lokið verða. Því að hver sá öðlast sem biður, sá finnur sem leitar og fyrir þeim sem á knýr mun upp lokið verða.

Opnunartími Skrifstofu

Þriðjudaga til föstudaga
kl. 10:00-12:00

Viðtalstímar

Á opnunartíma skrifstofu og
utan opnunartíma eftir samkomulagi

Félagsmiðlar

Facebook
Instagram

Gjafir & tíund

Kt. 490780-0769
Gjafir: 0162-26-52081
Tíund: 0162-26-56052